Food Safety Enforcement News – Tamilnadu Updates – Nov – 19 -2017

GENERAL

வேதிப்பொருள்கள் கலப்பதாகப் புகார்..! டாஸ்மாக் மதுபானங்களின் தரத்தை ஆராய நீதிமன்றம் உத்தரவு

டாஸ்மாக் மதுபானங்களில் வேதிப்பொருள்கள் கலப்பதாக, சென்னை உயர் நீதிமன்றத்தில் தொடரப்பட்ட வழக்கை விசாரித்த நீதிமன்றம், மதுபானங்களின் தரத்தை ஆராய உத்தரவிட்டுள்ளது.

தமிழகத்தில், டாஸ்மாக் நிறுவனம் மூலம் அரசே மதுபானங்களை விற்பனை செய்துவருகிறது. மதுபானங்களைத் தனியார் நிறுவனங்களிடமிருந்து டாஸ்மாக் நிறுவனம் கொள்முதல்செய்து, கடைகளுக்கு அனுப்பிவைக்கிறது. 
டாஸ்மாக் கடைகளில் விற்பனைசெய்யப்படும் மதுபானங்களின் தரம் மிகவும் மோசமாக இருப்பதால், அதுபற்றிய ஆய்வுக்கு உத்தரவிட வேண்டும் என்று சென்னை உயர் நீதிமன்றத்தில் ஸ்ரீராமன் என்பவர் வழக்குத் தொடர்ந்திருந்தார். மதுபானங்களில் வேதிப்பொருள்களை கலப்பதாகவும் அவர் புகார் கூறியிருந்தார். 
இந்த வழக்கு இன்று விசாரணைக்கு வந்தது. வழக்கை விசாரித்த நீதிமன்றம், இதுபற்றி விளக்கம் அளிக்குமாறு 17 மதுபான ஆலைகளுக்கு நோட்டீஸ் அனுப்ப உத்தரவிட்டது. மேலும், தமிழக உணவுப் பாதுகாப்பு ஆணையர், மதுபான ஆலைகளுக்கு நேரில் சென்று மதுபானங்களின் தரம்குறித்து ஆய்வு நடத்த வேண்டும்; அதுபற்றிய அறிக்கையை டிசம்பர் 22-ம் தேதிக்குள் நீதிமன்றத்தில் தாக்கல்செய்ய வேண்டும் என்றும் சென்னை உயர் நீதிமன்றம் ஆணையிட்டுள்ளது.

டெப்போ கேன்டீன்கள் பதிவு சான்று பெறாத விவகாரம்: மாநகர போக்குவரத்து கழக எம்டி மீது நடவடிக்கை எடுக்க முடியுமா?

சென்னை: கேன்டீன்கள் பதிவு சான்று பெறாமல் இயங்கி வரும் விவகாரத்தில் எம்டிசி மேலாண் இயக்குனர் மீது நடவடிக்கை எடுக்காதது ஏன் என்று உணவு பாதுகாப்பு அதிகாரிகள் பதில் அளித்துள்ளனர். 
சென்னை மாநகர போக்குவரத்துக் கழகத்தில் டிரைவர்கள் 9756 பேர், கன்டக்டர்கள் 10,172 பேர், தொழில்நுட்ப ஊழியர்கள் 2885 பேர் என மொத்தம் 24 ஆயிரத்துக்கும் மேற்பட்ட ஊழியர்கள் பணிபுரிகின்றனர். சென்னை, காஞ்சிபுரம் மற்றும் திருவள்ளூரில் மொத்தம் 35 போக்குவரத்து பணிமனைகள் உள்ளன.இங்கு கேன்டீன் வைத்து ஊழியர்களுக்கு நிர்வாகம் மூன்று வேளை உணவு வழங்குகிறது. ஆளுங்கட்சி தொழிற்சங்கத்தை சேர்ந்தவர்கள் ஒப்பந்த அடிப்படையில் கேன்டீன் நடத்தி வருகின்றனர். இங்கு, தரமில்லாத உணவு வழங்கப்படுவதாக புகார் எழுந்தது. நிர்வாகத்திடம் ஊழியர்கள் பலமுறை புகார் அளித்தனர். ஆனால் நடவடிக்கை இல்லை. 
இதையடுத்து, உணவு பாதுகாப்பு அதிகாரிகளிடம் புகார் அளித்தனர். அதன்பேரில், உணவு பாதுகாப்பு அதிகாரிகள் 33 கேன்டீன்களிலும் அதிரடியாக சோதனை நடத்தினர். ஆய்வுக்கு பின், கேன்டீன்கள் உரிமம் மற்றும் பதிவு சான்றிதழ் வாங்காமல் இயங்கி வந்தது தெரியவந்தது. பல கேன்டீன்களில் சமையலறை சுகாதாரமின்றி காணப்பட்டது. உடனே, எம்டிசி மேலாண் இயக்குனர் கிருஷ்ணமூர்த்திக்கு உணவு பாதுகாப்பு அதிகாரிகள் கடிதம் அனுப்பி குறையை நிவர்த்தி செய்யுமாறு உத்தரவிட்டனர்.இதற்கிடையில், விதிமீறி ஒப்பந்தம் வழங்கியதற்காக மேலாண் இயக்குனர் மீது உணவு பாதுகாப்புத்துறை சட்டப்படி நடவடிக்கை எடுக்க ஊழியர்கள் ஆணையருக்கு நோட்டீஸ் அனுப்பினர். ஆனால் 3 மாதமாகியும் அதன் மீது ஆணையர் நடவடிக்கை எடுக்கவில்லை. 
இதையடுத்து, தங்கள் நோட்டீஸ் மீது ஆணையர் எடுத்த நடவடிக்கை என்ன என்பது குறித்து தகவல் அறியும் உரிமைச் சட்டத்தில் ஊழியர்கள் மனு அளித்தனர். அந்த மனுவுக்கு தற்போது பதில் அளிக்கப்பட்டுள்ளது.அதில், மேலாண் இயக்குனர் மீது நடவடிக்கை எடுக்க அதிகாரம் இல்லை என்று தெரிவித்திருந்தனர். இதை கேள்விப்பட்டு ஊழியர்கள் அதிர்ச்சி அடைந்துள்ளனர். ஆய்வு செய்வது மட்டும் தான் உணவுப்பாதுகாப்புத் துறையின் வேலையா? என அவர்கள் கேள்வி எழுப்பியுள்ளனர்.இதுகுறித்து, நேதாஜி தொழிற்சங்க நிர்வாகி அன்பழகன் கூறியதாவது:உணவு பாதுகாப்பு சட்டம் 2006ன் படி, உரிமம் மற்றும் பதிவு சான்று இல்லை என்றால் ரூ.5 லட்சம் அபராதம் மற்றும் 6 மாதம் சிறை தண்டனை வழங்க வேண்டும். எம்டிசி கேன்டீன்களில் தவறு நடந்தது ஆதாரத்துடன் கண்டுபிடிக்கப்பட்டது. அதன்பேரில் தான் மேலாண் இயக்குனருக்கு தண்டனை வழங்குமாறு உணவு பாதுகாப்பு ஆணையருக்கு நோட்டீஸ் அனுப்பினோம். சட்டப்படி, தவறுக்கு காரணமாக இருந்த மேலாண் இயக்குனருக்கு நீதிமன்றம் மூலம் தண்டனை பெற்றுத்தர ஆணையர் நடவடிக்கை எடுத்திருக்க வேண்டும். ஆனால் அவர் நாங்கள் அனுப்பிய நோட்டீசை, ஆய்வு செய்த அதிகாரிகளுக்கு அனுப்பி தட்டி கழித்துவிட்டார். ஆர்டிஐ மூலம் கேட்டால், தண்டனை பெற்று கொடுக்க அதிகாரம் இல்லை என பதில் அளித்துள்ளார். வெறும் ஆய்வு மட்டும் நடத்துவதால் தவறை திருத்திவிட முடியுமா? எனவே, ஊழியர்களின் உயிருடன் விளையாடிய அதிகாரிகள் மீது நடவடிக்கை எடுக்க ஆணையர் உடனே ஆவணம் செய்ய வேண்டும் என்றார். எம்டிசி அதிகாரியிடம் கேட்டபோது, ‘’உணவு பாதுகாப்பு அதிகாரிகள் உத்தரவை ஏற்று கேன்டீன்களை ஆய்வு செய்தோம். அதில் குறைகளை நிவர்த்தி செய்துள்ளோம். அதனால் நடவடிக்கை தேவையில்லை’’ என்றார்.

CHENNAI

COIMBATORE

DHARMAPURI

KRISHNAGIRI

NAMAKKAL

SALEM

THIRUVARUR

தேநீர் கடைகளில் கலப்பட டீத்தூள் பயன்படுத்தினால் நடவடிக்கை

திருத்துறைப்பூண்டி, ஆலத்தம்பாடி பகுதிகளில் தேநீர் கடைகளில் கலப்பட டீ தூள், காபி தூள் பயன்படுத்தப்படுகிறதா என திருத்துறைப்பூண்டி உணவு பாதுகாப்பு அலுவலர் விஜயகுமார் புதன்கிழமை ஆய்வு செய்தார். 
ஆய்வின் போது அவர் கூறியது: திருத்துறைப்பூண்டி பகுதியில் சுமார் 23 தேநீர் கடைகளில் கலப்பட டீத்தூள், காபி தூள் பயன்படுத்தப்படுகிறதா என ஆய்வு செய்யப்பட்டன. உணவு பதார்த்தங்கள் தரமான பொருள்களைக் கொண்டும், தரமான சமையல் எண்ணெய்யை பயன்படுத்தியும் செய்யப்படுகிறதா என ஆய்வு செய்யப்பட்டன. இதில் 2 கடைகளுக்கு எச்சரிக்கை நோட்டீஸ் வழங்கப்பட்டது. கடைகளில் எடுக்கப்பட்ட மாதிரிகள் ஆய்வுக்கு அனுப்பப்படும். 
உணவு பதார்த்தங்களை மூடிய கண்ணாடி பெட்டிக்குள் வைத்து விற்பனை செய்ய வேண்டும். கடை அருகே கழிவு நீர் தேங்கக் கூடாது. நாள்தோறும் பினாயில் கொண்டு கடைகளை கழுவ வேண்டும் என கடைகாரர்களுக்கு அறிவுறுத்தப்பட்டுள்ளது என்றார்.  
ஆய்வின் போது, நன்னிலம் உணவு பாதுகாப்பு அலுவலர் யோகநாதன் உடனிருந்தார்.

VELLORE

VIRUDHUNAGAR

Advertisements

Food Safety Enforcement News – Tamilnadu updates – Nov -12 -2017

Food Safety Enforcement News – Tamilnadu updates – Nov 11 -2017

GENERAL

CHENNAI

CUDDALORE

SALEM

குட்கா விற்றால் கடை உரிமம் ரத்து: உணவு பாதுகாப்பு அலுவலர் தகவல்

சேலம்: ‘குட்கா விற்றால், கடை உரிமம் ரத்து செய்யப்படும்’ என, மாவட்ட உணவு பாதுகாப்பு துறை அலுவலர் மாரியப்பன் தெரிவித்துள்ளார்.
இதுகுறித்து, அவர் கூறியதாவது: புகையிலை நிறுவனங்கள், பான்மசாலா, நிகோடினை தனித்தனி பாக்கெட்டாக விற்கின்றன. இதை வாங்கும் மக்கள், இரண்டையும் கலந்து பயன்படுத்துகின்றனர். அவற்றை, தனித்தனியாக விற்றாலும், கடை உரிமம் ரத்து செய்யப்படும். ஏப்., 1 முதல், இதுவரை, மாவட்டத்தில், 37 லட்சம் ரூபாய் மதிப்பில், 2,500 கிலோ புகையிலை பறிமுதல் செய்யப்பட்டுள்ளது. இரு கடைகளின் உரிமம் ரத்து செய்யப்பட்டுள்ளது. இவ்வாறு அவர் கூறினார்.
VELLORE

VILUPURAM

Managing safe food in rainy season

Food Safety Enforcement News – Tamilnadu updates – Nov 5-2017

GENERAL

ARIYALUR

COIMBATORE

NAMAKKAL

SALEM

வெல்லத்தில் கலக்கப்படும் பாஸ்பேட் உரம்.. ஒரு எச்சரிக்கை

தடை செய்யப்பட்ட பொருட்களில் வெல்லம் தயாரிக்கப்படுகிறதா என்று உணவு பாதுகாப்புதுறை அதிகரிகள் சோதனை நடத்தினர். சேலம் மாவட்டத்தில் தனியாருக்கு செந்தமான வெல்ல தயாரிப்பு ஆலை உள்ளது. இந்த ஆலையில் தடை செய்யப்பட்ட பொருட்களை பயன் படுத்தி வெல்லம் தயாரிக்கப்படுவதாக உணவு பாதுகாப்பு துறை அதிகாரிகளுக்கு தகவல் கிடைத்தது. இதையடுத்து அதிகாரிகள் சோதனை நடத்தினர். அப்போது வெல்ல தயாரிப்பின் போது கலப்பதற்காக வைக்கப்பட்டிருந்த சக்கரை மூட்டைகள் மற்றும் சூப்பர் பாஸ்பேட் உரங்கள் இருப்பதை கண்டறிந்து அவற்றை அதிகாரிகள் பறிமுதல் செய்தனர். அதேபோல் அப்பகுதியில் மற்றொரு ஆலையிலும் அதிகாரிகள் சோதனை மேற்கொண்டனர். அப்போது சுகாதாரமின்றிய முறையில் வெல்ல தயாரிப்பில் ஈடுபட்டது தெரியவர இரு ஆலை உரிமையாளர்களின் மீதும் அதிகாரிகள் வழக்கு பதிவு நடவடிக்கை எடுத்து வருகின்றனர்.

VELLORE

காலாவதி தேதி பதிவு செய்யாத சாலை ஓர உணவு பொருட்கள்- உணவு பாதுகாப்பு அதிகாரி நடவடிக்கை

குடியாத்தம் பகுதியில் கடந்த சில நாட்களாக விற்பனை செய்யப்படும் சாலை ஓர உணவு பொருட்கள் மற்றும் தின்பண்டங்கள் உட்கொண்ட சிலருக்கு வயிற்று போக்கு மற்றும் வாந்தி மயக்கம் காரணமாக பலர் பாதிக்கப்பட்டதாக குடியாத்தம் உணவு பாதுகாப்பு அதிகாரிக்கு முனியராஜ் அவர்களுக்கு கிடைத்த தகவல் அடிப்படையில் ஆய்வு செய்த போது அங்கு விற்கப்பட்டு வந்த உணவு பொருட்களில் தயாரிப்பு தேதியும்இல்லை பயன்படுத்தப்படும் காலாவதி தேதியும் பதிவுசெய்யாமல் இருப்பதை கண்டுபிடித்து காலாவதியான மற்றும் விற்பனை விலை பதிவு செய்யாமல் வாடிக்கையாளர்களுக்கு விற்பனை செய்த உணவு பொருட்களை பறிமுதல் செய்து நடவடிக்கை மேற்க்கொண்டார்.

THANJAVUR

TIRUPUR

TIRUVANNAMALAI

TUTICORIN

UTHAGAMANDALAM

உணவு பாதுகாப்பு விழிப்புணர்வு கூட்டம்

குன்னுார் : குன்னுார் மார்க்கெட்டில், உணவு பாதுகாப்பு மற்றும் மருந்து நிர்வாக துறையின் விழிப்புணர்வு கூட்டம் நடந்தது.கூட்டத்தில், நீலகிரி மாவட்ட உணவு மற்றும் மருந்து நிர்வாக துறையின் புதிய மாவட்ட நியமன அலுவலர் டாக்டர் கருணாநிதி, உணவு பாதுகாப்பு அலுவலர்கள் செல்வராஜ், ஆதிகோபாலகிருஷ்ணன், அருண்குமார் ஆகியோர் பங்கேற்றனர். அதில், உணவு பாதுகாப்பு மற்றும் உரிமங்கள் பெறுவது; தரமான உணவு பொருட்களை வழங்குவது உள்ளிட்டவை குறித்து விளக்கம் அளித்தனர். தொடர்ந்து வணிகர்களின் சந்தேகங்களுக்கு பதிலளித்தனர்.கூட்டத்திற்கு, வியாபாரிகள் சங்க தலைவர் பரமேஸ்வரன் தலைமை வகித்தார். செயலாளர் ரகீம், பொருளாளர் ஜான் உட்பட பலர் பங்கேற்றனர்.

VELLORE

 

Food Safety Enforcement News – Tamilnadu this week – Oct 29-2017

DINDUGAL

KRISHNAGIRI

NAGAPATTINAM

NAMAKKAL

RAMANATAHAPURAM

https://foodsafetynews.files.wordpress.com/2017/10/fad53-20171025c_020102013.jpg?w=664&h=609

SALEM

30 சதவீதம் பேர் மட்டுமே பதிவு பெற்றுள்ளனர்: உணவு வணிகர்களிடம் கலெக்டர் ஆதங்கம்

சேலம்: ”சேலம் மாவட்டத்தில், 30 சதவீத உணவு வணிகர்கள் மட்டுமே, பதிவு மற்றும் உரிம சான்றிதழ் பெற்றுள்ளனர்,” என, கலெக்டர் ரோகிணி பேசினார். 
சேலம் மாவட்ட உணவு பாதுகாப்புத்துறை அலுவலகத்தில், நேற்று உணவு வணிகர்களுக்கான உரிமம் பெறுவதற்கான சிறப்பு முகாம் நடந்தது. இதை துவக்கி வைத்து, கலெக்டர் ரோகிணி பேசியதாவது: நாட்டில் பாதுகாப்பில்லாத உணவுகளால், ஆண்டுக்கு, 30 கோடி பேர் பாதிக்கப்படுகின்றனர். அதில், அதிகம் பாதிப்புக்கு உள்ளாவது குழந்தைகள். எதிர்ப்பு சக்தி குறைவாக இருப்பதுடன், வெளியில் விற்கப்படும் பொருட்களை அதிகம் பயன்படுத்துவதும் அவர்கள் தான். எனவே பாதுகாப்பான உணவு வழங்க வேண்டும் என்பதற்காகத் தான், உணவு கட்டுப்பாட்டு பிரிவு செயல்பட்டு வருகிறது. உணவு வணிகம் செய்பவர்களுக்கு, பதிவு மற்றும் உரிமம் பெறுவதற்கான கால அவகாசம், 2016, ஆகஸ்ட் மாதத்துடன் முடிவடைந்துவிட்டது. சேலம் மாவட்டத்திலுள்ள, 20 ஆயிரம் உணவு வணிகர்களில், 6,000 பேர் மட்டுமே உரிமம் மற்றும் பதிவு சான்றிதழ்கள் பெற்றுள்ளனர். மற்றவர்களுக்கும் தெரியப்படுத்தி, பதிவு மற்றும் உரிம சான்றிதழ் பெற்றுக்கொள்ள அறிவுறுத்த வேண்டும். டெங்கு தடுப்பு பணிகளிலும், உணவு வணிகர்கள் ஈடுபட வேண்டும். இவ்வாறு அவர் பேசினார். உணவு பாதுகாப்பு அலுவலர் மாரியப்பன் மற்றும் பலர் பங்கேற்றனர்.
THENI
TIRUNELVELI

TUTICORIN

விளாத்திகுளம் அருகே கலப்பட எண்ணெய் தயாரித்த குடோனுக்கு சீல் வைப்பு

 

விளாத்திகுளம் அருகே கலப்பட எண்ணெய் தயாரித்த குடோனுக்கு சீல் வைக்கப்பட்டது.

விளாத்திகுளம்,

விளாத்திகுளம் அருகே கலப்பட எண்ணெய் தயாரித்த குடோனுக்கு சீல் வைக்கப்பட்டது.

அதிகாரிகள் சோதனை

விளாத்திகுளம் அருகே வெம்பூரில் எண்ணெய் குடோன் உள்ளது. கேரள மாநிலத்தைச் சேர்ந்த அப்துல் சலாம் (வயது 42) என்பவர் எண்ணெய் குடோனை நடத்தி வந்தார். இங்கு முறைகேடாக டின்களில் தரம் குறைந்த எண்ணெயை கலந்து விற்பதாக மாவட்ட நிர்வாகத்துக்கு ரகசிய தகவல் கிடைத்தது.

இதையடுத்து மாவட்ட கலெக்டர் வெங்கடேஷ் உத்தரவின்பேரில், மாவட்ட உணவு பாதுகாப்பு நியமன அலுவலர் டாக்டர் தங்க விக்னேஷ், உணவு பாதுகாப்பு அலுவலர்கள் செல்லப்பாண்டியன், பாலசுப்பிரமணியன், சிவபாலன் உள்ளிட்ட குழுவினர் நேற்று வெம்பூரில் உள்ள எண்ணெய் குடோனில் திடீர் சோதனை நடத்தினர்.

சீல் வைப்பு

அப்போது அந்த குடோனில் கடலை எண்ணெய், தேங்காய் எண்ணெய், பாமாயில் போன்றவற்றில் தரம் குறைந்த எண்ணெயை கலப்படம் செய்து டின்களில் அடைத்து, கடைகளுக்கு விற்றது தெரிய வந்தது. அந்த எண்ணெய் குடோனில் தலா 15 லிட்டர் கொள்ளளவு கொண்ட 40 டின்கள் இருந்தன.

அவற்றில் இருந்து எண்ணெய் மாதிரிகளை அதிகாரிகள் எடுத்து, தஞ்சாவூரில் உள்ள ஆய்வகத்துக்கு அனுப்பி வைத்தனர். மேலும் அந்த எண்ணெய் குடோனை பூட்டி அதிகாரிகள் சீல் வைத்தனர். ஆய்வக பரிசோதனையின் முடிவில் எண்ணெய் குடோனின் உரிமையாளர் மீது சட்டப்பூர்வ நடவடிக்கை மேற்கொள்ளப்படும் என்று அதிகாரிகள் தெரிவித்தனர்.

UTHAGAMANDALAM

https://foodsafetynews.files.wordpress.com/2017/10/b403d-20171025e_017105005.jpg?w=614&h=609

Benefits of Nilavembu extract solution